FVDI

Pasa den denboraldi bukaerako ohiko afaria ospatu zen Urkixo Zumarkaleko Cruz Blanca jatetxean. Afaira Federazioko Presidentea (Ignacio Ituarte) eta Eskola Kiroleko gure programaren barnean, izotz eta elurretako irteerataz arduratzen diren monitoreak joan ziren.

2015-2016 denboraldia amaituta, honako honen laguntza eta lankidetza eskertu gura ditugu:

- Bizkaiko Foru Aldundia - Kirolak.

- Gaztedi plana - Kutxabank.

- Herri Irratia - La flor de la canela.

Halaber,  Forum Sport eta EITB-k gure Eskola adineko Bizkaiko Txapelketari ematen dioten laguntza eskertu nahi dugu.

Eskerrik asko zure konfiantzagatik.

Lehengo igandean Gasteizko (Bakh) izotz-pistara programatutako azken irteeretariko bat egin zen. Lau hilabete biziak izan dira, parte-hartzea handia eta, batez ere, ikasi eta ondo pasatzeko gogo handia egon dira. Hurrengo denboraldian berriro elkartuko garelakoan gaude.

Ez dugu agur esan gura aldez aurretik pistaren langileek emandako tratu onagatik eskerrak eman barik, hala gure lana errazagoa izan da eta.

Lehiaketarako denboraldia amaitu egin denez, kategoria desberdinetan lehiatzen diren kirolarien ibilbidea aitortu nahi dugu. Diziplina horiek praktikatzeak dakarren ahalegina dela eta, kirolari guztiek meritu handia izan arren, haien ibilbide eta emaitzengatik hurrengoak nabarmendu nahi ditugu:

Juan del Campo Hernández, Estatuko Taldearen kidea (Alpetarra);
Espainiako Txapelduna Slalomeko Kategoria Nagusian.
Itoitz Armendariz Barco, Estatuko Taldearen kidea (Mushing-a);
Espainiako Txapelduna Elurretako Mushingeko MD6 kategorian.

Zorionak.

2015-2016 denboraldia amaitu egin da. Oso aldrebestua izan da elur gutxi eta tenperatura altuak egon direlako. Horren ondorioz, zenbait estaziotan ezin izan zituzten pistak ireki denboraldia soberan hasita egon arte. Hala ere, langileek pistak zapaltzean egindako lan apartak horietan berme osoz eskiatzeko aukera eskaini zigun.

Federazio Txartela erostean, eskertu nahi dizuegu gugan jarri duzuen konfiantza. Hurrengo denboraldira arte.

Euro-Ski Klubak 2015-2016 denboraldiaren amaierari buruzko prentsa-oharra bidali digu.

Txartel-moten balioaldia gogorarazi nahi dizuegu:

Litzentzia (L) 2016ko ekainaren 30 arte.

Aisia (A3) - Mistoa (TM) - Europa (TM1) - Mundua (TM2) eta Ikaslearena (E1) 2016ko irailaren 29 arte.

Hurrengo igandean izotzetarako irteerekin hasiko gara berriro, egingo ditugun ekintzak honako egunetan izango dira:

Apirila: 10 eta 24

Maiatza: 1

Aurreko asteburuan denboraldi programatutako irtenaldiak amaitu egin ziren. Aprobetxatu nahi dugu elurretara etorri zareten gazteoi eskerrak amateko. Zuen jarrerak eta ondo pasatzeko gogoak gure lan erraztu eta erosoago izatea ekarri dute.

Denboraldi honetan elur gutxi eduki dugu eta, ondorioz, datetan aldaketaren bat egin behar izan dugu, baina azkenean programatuta ganeuzkan jarduerak egin ahal izan ditugu.

Hurrengo denboraldian ikusiko gara.

Aramon Formigalean martxoaren 29an ospatutako Estatuko Txapelketa Absolutuan, Juan Del Campo Hernandezek emaitza oso ona lortu du.

Juanek 1. postua lortu zuen Slalom-eko modalitatean.

Zorionak Juan.

Hurrengo asteburuan amaituko dira asteburuko irtenaldiak Candanchura egingo dugunarekin. Denboraldia zaila izan dugu, izan ere, elurrik ez da egon. Hori dela eta, hainbat irtenaldi atzeratu behar izan dugu, aurreikusita geneukan programa osoa azkenean egitea lortu den arren. Hurrengo asteburuan eguraldi ona izanda gustura egoteko moduan egongo garela espero dugu.
Irristatzera joateko irtenaldiei dagokienez, oraindik hiru egin behar ditugula gogorarazi nahi dizuegu.

Urtero legez, Aste Santuko jaiak gertu ditugunean, irtenaldiak behin behinekoz etengo ditugu eta apirilaren 1etik (elurra) eta apirilaren 10etik (izotz) aurrera berriro haiko gara.

Oso ondo pasa oporretan eta, amaitutakoan, berriro egongo gara elkarrekin.

Asteburuko eski alpetarra..............................20 nasa.

Izozt irteera.................................................12 nasa.

Ez da oso denboraldi ona izan, tenperatura handien ondorioz gure estazioetan elur gutxi geratu delako. Horietako batzuetan gogor lan egin ahal izan zuten abenduan eta ondo eskiatzeko moduan prestatu zituzten pistak. Beste batzuk ezin izan zuten hala egin eta ezinean ibili dira, batzuetan itxita eta beste batzuetan, ostera, eskiatzeko kilometro gutxi eskainita.

Kirol honetan erabat naturaren menpe egoten garenez gero, hurrengo denboraldian egoera hobetzea espero dezagun baina, hura heldu bitartean, goza dezagun denboraldi honetako azken zatiaz.

Hurrengo asteburua denboraldiko onenetakoa izango da azkenaldian elur asko egin duelako. Gainera, eguraldiaren iragarpen ezin hobea dagoenez, elurretan ibiltzeko aspaldiko egun gozoenak izan ditzakegu.

Ondo pasa, baina zuhurtziaz.

Aste buruko eski alpetarra...............................20 nasa.
Izotz irteera....................................................12 nasa.

Atzeratutako irteerak eta euren data berriak dituzue zerrenda honetan:

Otsaila 12-13-14 .......................  Martxoa 04-05-06
Urtarrila 08-09-10 .....................  Martxoa 11-12-13
Urtarrila 29-30-31 .....................  Martxoa 18-19-20
Orsaila 05-06-07 .......................  Apirila 01-02-03

Pasa den larunbatan gure ohiko Alpino Txapelketa egin genuen Astunen. Sailkapenak ikusteko gure txapelketen orrira jo dezakezue: "+info" - "lehiaketak".

Eskerrik asko parte-hartzaile guztioi. Datorren urtean ere zain izango gaituzue.

Irteerako antolaketa kontsultatzeko: "+info" - "Lehiaketak"

Hurrengo asteazkenean erreferentziazko proban izena emateko epea amaituko dela gogorarazi nahi dizuegu.

Informazio + “Lehiaketak” atalean, inskribatutako-zerrenda kontsulta dezakezue.